Shoqata Kulturore “Lëvizja Shqiptare” në Zvicër ka qëllime të qarta dhe të përcaktuara, që rrjedhin nga nevojat dhe sfidat e diasporës shqiptare. Këto qëllime udhëheqin veprimtarinë e Shoqatës dhe përbëjnë bazën e angazhimit tonë institucional.

Sigurimi i së drejtës për të votuar online. Një ndër qëllimet kryesore të Shoqatës është mbrojtja dhe avancimi i të drejtave demokratike të diasporës shqiptare, duke punuar për mundësinë e votimit online. Kjo do të lehtësojë pjesëmarrjen në procese demokratike dhe do të forcojë lidhjen e diasporës me vendlindjen.

Zgjidhja e problemeve të shprehura nga diaspora me anë të kërkesave të drejtpërdrejta në institucionet evropiane dhe zvicerane.

Organizimi dhe përfaqësimi i diasporës shqiptare në Zvicër.

Promovimi i interesave politike, shoqërore, kulturore dhe qytetare të anëtarëve.

Bashkëpunimi me organizata, shoqata në Zvicër dhe subjekte politike është thelbësor, ndërsa në Maqedoninë e Veriut bashkëpunojmë me Aleancën për Shqiptarët, e cila është zëri ynë në Parlamentin e Maqedonisë Veriore.

Ruajtja dhe promovimi i identitetit kombëtar, gjuhës dhe kulturës shqiptare.